„ამტელ ჰოსპიტალის“ ექიმი covid 19-ის მიმღებ ერთ-ერთ კლინიკაშია გადაყვანილი და კვლევის პასუხებს ელოდება. როგორც „ინტერპრესნიუსთან“ ჰოსპიტალის დირექტორმა ლაშა მაჭარაშვილმა განაცხადა, მათ კლინიკაში მისულ არც ერთ პაციენტს covid 19 არ დადასტურებია, ხოლო ექიმი, რომელსაც გარკვეული სიმპტომები გამოუვლინდა, მათთან კლინიკაში 24 მარტის შემდეგ არ ყოფილა.
„რამდენადაც ვიცი, მას ჩაუტარდა წინასწარი ტესტირება, საბოლოო დასკვნა ჯერ არ არის. სწრაფი ტესტი არ არის 100%-იანი. ის ასევე სხვა კლინიკაშიც მუშაობდა, ჩვენთან კლინიკაში 24 მარტის შემდეგ არ ყოფილა, რადგან არ უწევდა მორიგეობა. საკმაოდ კარგი დროა გასული. როგორც ვიცი ახლა უტარდება ღრმა კვლევა“, - განაცხადა ლაშა მაჭარაშვილმა.
არსებული ინფორმაციით, ექიმი რომელიც დღეს კორონავირუსზე PCR ტესტის პასუხს ელოდება “ამტელ ჰოსპიტალის” პარალელურად, კავკასიის მედიცინის ცენტრშიც მუშაობდა.