გია ვოლსკი - თითოეულმა ადამიანმა უნდა იფიქროს როგორც საკუთარ თავზე, ისე მთელ  საზოგადოებაზე

საქართველოს პარლამენტში შეზღუდული რაოდენობის, მაგრამ საკმაოდ მნიშვნელოვანი თათბირები, პარლამენტისა და მთავრობის გაერთიანებული შეხვედრები იმართება. დღეს შევაჯამეთ ის ინფორმაცია, დამოკიდებულებები და პოზიციები, რომლებიც ჩვენი პარტიის წევრებს და არამარტო პარტიის წევრებსა თუ პარლამენტის წევრებს გვქონდა სოლიდარობის აქტთან მიმართებაში, რომ შემოსავლის მნიშვნელოვანი ნაწილი გავუზიაროთ მათ, ვინც შემოსავალს დაკარგავს და აღმოჩნდება შედარებით მძიმე მდგომარეობაში , - ამის შესახებ პარლამენტის თავმჯდომარის პირველმა მოადგილემ, გია ვოლსკიმ განაცხადა.

მისი ინფორმაციით, საპარლამენტო უმრავლესობის წევრებმა უკვე საკმაოდ სოლიდური თანხა ჩარიცხეს ფონდში, რომელიც covid-19-თან საბრძოლველად შეიქმნა. მისივე თქმით, მნიშვნელოვანია, რომ სოლიდარობის ეს განცდა გადაედოს მთელ საზოგადოებას და არა მარტო ქართული ოცნების წევრებს ან მხარდამჭერებს. „მხედველობაში მაქვს საზოგადოების გაერთიანება ერთი კარგი სიტყვის გარშემო, რასაც ჰქვია, საქართველო უპირველეს ყოვლისა“, -განაცხადა ვიცე-სპიკერმა.

გიორგი ვოლსკის განაცხადებით, დღეს თითოეულმა ადამიანმა უნდა იფიქროს როგორც საკუთარ თავსა და ოჯახის წევრებზე, ისე მთელ საზოგადოებაზე.

„ეპიდემია, უხილავი მტერი საკმაოდ ძნელი საბრძოლველია. ვფიქრობ, პატიოსნებაა აქ მთავარი. პატიოსნებაში ვგულისხმობ დამოკიდებულებას ჩვენი ქვეყნისა და საზოგადოების მიმართ“, - აღნიშნა პარლამენტის თავმჯდომარის პირველმა მოადგილემ, საზოგადოებრივი მაუწყებლის ეთერში.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა