გაერო-ს გენერალურმა ასამბლეამ მხარი დაუჭირა რეზოლუციას, რომელიც კორონავირუსის „უპრეცედენტო ეფექტებზე“ საუბრობს. ასამბლეა მოუწოდებს ქვეყნებს „გაძლიერებული საერთაშორისო თანამშრომლობისკენ, რათა მოხდეს ვირუსის შეკავება, მართვა და დამარცხება“.

გაერო-ს გენერალური ასამბლეის პრეზიდენტმა, ტიჟიან მუჰამედ-ბანდემ წევრ ქვეყნებს წერილი გაუგზავნა, სადაც „გლობალურ სოლიდარობაზეა“ საუბარი. რეზოლუციაში ნათქვამია, რომ კორონავირუსმა გამოიწვია „განადგურება ადამიანების და ეკონომიკების“ და რომ „ყველაზე ღარიბი და მოწყვლადი ჯგუფები ყველაზე დიდ დარტყმას განიცდიან“.

ცნობისთვის, მსოფლიოში კორონავირუსით ინფიცირებულთა დადასტურებულმა რიცხვმა 1 მილიონს გადააჭარბა. ვირუსს ამ დრომდე, 53000-ზე მეტი ადამიანი ემსხვერპლა.

იხილეთ ვიდეო