მარინა ეზუგბაია - ორი პაციენტის მდგომარეობა ჯერჯერობით კვლავ კრიტიკულია, მაგრამ სტაბილიზაციის ელემენტები შეიმჩნევა

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურში მოთავსებულ კრიტიკულ მდგომარეობაში მყოფ ორ პაციენტთან სტაბილიზაციის ნიშნები შეიმჩნევა.

რაც შეეხება კიდევ 3 კრიტიკულ შემთხვევას, როგორც ეზუგბაიამ ჟურნალისტებს განუცხადა, ამ პაციენტებში სტაბილიზაცია უკვე მიღებულია.

„ყველაზე მძიმე პაციენტები, რომლებიც ჩვენს ცენტრში მკურნალობენ, არის 2 კრიტიკული პაციენტი, რომელთა მდგომარეობა ჯერჯერობით კვლავ კრიტიკულია, მაგრამ რაღაც სტაბილიზაციის ელემენტები შეიმჩნევა და ვნახოთ, თუ ეს გაგრძელდება, იქნება ძალიან კარგი. დანარჩენ 3 შემთხვევაში სტაბილიზაცია უკვე მიღებულია მეორე დღეა და იმედია, რომ ხვალიდან, თუ ასე გაგრძელდა, ამ კრიტიკული სიიდან ამოიღებენ”, - განაცხადა ეზუგბაიამ.

შეგახსენებთ, ამ დროისთვის ინფექციურ საავადმყოფოში მოთავსებული კორონავირუსით ინფიცირებული 5 პაციენტის მდგომარეობა მძიმეა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა