დიმიტრი ხუნდაძე - თუ გვინდა, რომ ეს მძიმე დღეები შემდეგ ტკბილ მოგონებად დარჩეს, ყველა რეკომენდაცია შევასრულოთ

პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის დიმიტრი ხუნდაძის განცხადებით, კორონავირუსთან დაკავშირებით ჯერჯერობით ქვეყანაში პანიკის საფუძველი არ არსებობს, მაგრამ კრიზისული ფაზისთვისაც მზად უნდა ვიყოთ. როგორც მან ჟურნალისტებს განუცხადა, ეს საკითხი დღეს უწყებათაშორისი საბჭოს სხდომაზეც განიხილება, თუ რამდენად არის შექმნილ ვითარებაში ჯანდაცვის სისტემა მზად.

ამასთან, მან მოქალაქეებს კიდევ ერთხელ მოუწოდა, ყველა რეკომენდაცია შეასრულონ.

„პანიკის საფუძველი არ არის, მაგრამ სწორად უნდა გავიაროთ „შეკავების ფაზა“, ამის მზაობა არსებობს. ჩვენ ასევე უნდა მოვემზადოთ კრიზისული ფაზისთვის, როცა ყველაზე მეტი დაწოლა ჯანდაცვის სექტორზე წამოვა. წინა ხაზს უკვე დაიკავებენ სამედიცინო სექტორის წარმომადგენლები. ამიტომ, დღეს ჩვენ სხდომაზე გვექნება ერთ-ერთი ძირითადი საკითხი, რომ კიდევ ერთხელ მოვახდინოთ ჯანდაცვის სექტორის რევიზია, რამდენად არის ის მზად. შევეხმიანები ასევე მოქალაქეებს, რომ დაიცვან წესები, რეკომენდაციები, დაიცვან ფიზიკური დაშორიშორება და ჰიგიენის წესები. თუ გვინდა, რომ ეს მძიმე დღეები შემდეგ ტკბილ მოგონებად დარჩეს, ყველა რეკომენდაცია შევასრულოთ“,-აცხადებს ხუნდაძე.

ცნობისთვის, საქართველოში კორონავირუსით ინფიცირების შემთხვევათა რაოდენობა 148-მდე გაიზარდა, მათგან 27 გამოჯანმრთელებულია.

იხილეთ ვიდეო

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს