მაია ცქიტიშვილი - უპირველესი ამოცანა იქნება, პოსტკრიზისულ პერიოდში კვლავ დავუდგეთ გვერდში ქართულ ბიზნესს

ვიცე-პრემიერის, რეგიონული განვითარებისა და ინფრასტრუქტურის მინისტრის მაია ცქიტიშვილის განცხადებით, მთავრობის მიზანია პოსტკრიზისულ პერიოდში კვლავ დაუდგეს გვერდით ქართული ბიზნესის განვითარებას.

მინისტრის განმარტებით, ეკონომიკისა და სოფლის მეურნეობის სამინისტროებს დამატებითი პოსტკრიზისული პაკეტის შემუშავება აქვთ დავალებული, ქართული ბიზნესისა და ადგილობრივი წარმოების განვითარების მიზნით.

„როგორც იცით, „ქართული ოცნების“ ხელისუფლების პრიორიტეტი 2012 წლიდან იყო მიმართული სოფლის მეურნეობაზე, ადგილობრივი წარმოების მხარდაჭერაზე და ის არაერთი პროგრამა, რომელიც იყო შეთავაზებული „აწარმოე საქართველოში“-ს ფარგლებში, ასევე სხვა სტიმულირების მექანიზმების თვალსაზრისით, რა თქმა უნდა, იყო მიმართული სწორედ ჩვენი ქართული ბიზნესის, ადგილობრივი წარმოების განვითარებაზე და სოფლის მეურნეობის მხარდაჭერაზე. ყველა ამ პროგრამამ გამოიღო ხელშესახები შედეგი. რა თქმა უნდა, ჩვენთვის უპირველესი ამოცანა იქნება, პოსტკრიზისულ პერიოდში კვლავ დავუდგეთ გვერდში ქართულ ბიზნესს, ადგილობრივი წარმოების განვითარებას, სოფლის მეურნეობის განვითარებას. ეკონომიკის სამინისტროს და სოფლის მეურნეობის სამინისტროს აქვს დავალება, რომ შეიმუშაონ დამატებითი პოსტკრიზისული პაკეტი ქართული ბიზნესის, ადგილობრივი წარმოების განვითარებისთვის, განსაკუთრებით, იმპორტის შემცველი დარგების განვითარებისთვის. ჩვენ ქართულ ბიზნესს ეტაპობრივად შევთავაზებთ კონკრეტულ პროგრამებს, რომელიც იქნება მიმართული ამა თუ იმ სფეროსა და დარგის განვითარებაზე,“- განაცხადა მაია ცქიტიშვილმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!