ჩვენ ამ პროცესს დავაკვირდებით ტელევიზორიდან, - ასე უპასუხა ჯანდაცვის მინისტრმა ეკატერინე ტიკარაძემ ჟურნალისტების კითხვას, დაესწრება თუ არა ის ოჯახთან ერთად სააღდგომო ლიტურგიას.

ამასთან, მინისტრმა უწყებათაშორისი საბჭოს სხდომის დასრულების შემდეგ იმაზეც ისაუბრა, თუ რამდენად მნიშვნელოვანია სოლიდარობის ფონდში მთავრობის ჩართვა.

„Covid-თან ბრძოლა ეს არის ნამდვილად დიდი გამოწვევა. მე, როგორც მთავრობის ერთ-ერთი რგოლის წარმომადგენელს, მიმაჩნია, რომ მთავრობა არის „ქართული ოცნების" გუნდის განუყოფელი წევრი. ჩვენ მივესალმებით ამ ინიციატივას და ვერთვებით ამ აქციაში. ეს არის მნიშვნელოვანი აქცია, როგორც სოლიდარულობის კუთხით ჩვენი მოქალაქეების მიმართ, ასევე სოლიდარულობით სახელმწიფოს და სახელმწიფოს ბიუჯეტის მიმართ," - განაცხადა ტიკარაძემ.