ჯანდაცვის მინისტრის განცხადებით, დღეისათვის ქვეყნის მასშტაბით 20 კლინიკაა მობილიზებული, რომ მიიღოს კორონავირუსის და ასევე ცხელების ნიშნების მქონე პაციენტები

ჯანდაცვის მინისტრის ეკატერინე ტიკარაძის განცხადებით, დღესდღეობით საქართველოს მასშტაბით უკვე 20 კლინიკაა სრულიად მობილიზებული იმისთვის, რომ მიიღოს კორონავირუსისა და ასევე ცხელების ნიშნების მქონე პაციენტები.

მინისტრის თქმით, ორშაბათიდან ამ რაოდენობას კიდევ 9 კლინიკა დაემატება.

ამასთანავე ეკატერინე ტიკარაძემ აღნიშნა, რომ რეგიონებში ეტაპობრივად 31 საავადმყოფო ჩაერთვება კორონავირუსის მქონე და ცხელებიანი პაციენტების მიღების პროცენტში.

„ორშაბათიდან ჩაერთვება კიდევ დამატებით 9 კლინიკა და პაციენტების რაოდენობის ზრდასთან ერთად, შესაძლებლობა არის, რომ ჩაერთოს დამატებით კიდევ 6 კლინიკა, რომლებიც იქნება სრულად მობილიზებული კოვიდთან ბრძოლაში. ასევე მნიშვნელოვანია, რომ რეგულირების სააგენტოს ყველა თანამშრომელი ახორციელებს მუდმივ მონიტორიგს ამ ჰოსპიტლებზე, რის შედეგადაც, ჩვენ გვაქვს მუდმივი უკუკავშირი და ყველა იმ საჭიროების და პრობლემატიკის აღრიცხვა, რომელიც ფიქსირდება საავადმყოფოებში. აქედან გამომდინარე, ჩვენ ყოველდღიურ რეჟიმში ვაუმჯობესებთ ხარისხს და ვცდილობთ, რომ იყოს ყველა საჭირო ინვენტარი და პირადი დაცვის საშუალებები ექიმებისთვის, რომლებიც მართავენ ამ რთული ინფექციით დაავადებულ პაციენტებს და მნიშვნელოვანია ასევე აღნიშნოს, რომ ეტაპობრივად 31 საავადმყოფო ჩაერთვება რეგიონებში, რომლებიც მიიღებენ კოვიდისა და ცხელების პაციენტებს. მოხდება მათი ტრიაჟი ადგილზე და შესაბამისად, გადამისამართებულები იქნებიან სახლში თვითიზოლაციაში, საკარანტინო ზონაში და რთული შემთხვევები იქნებიან გადაყვანილები საავადმყოფოებში, სადაც მოხდება მათი ჰოსპიტალში განთავსება და ექიმების მხრიდან მკურნალობის დაწყება,“- განაცხადა ტიკარაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს