დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის, პაატა იმნაძის განცხადებით, სამედიცინო პერსონალი კორონავირუსისგან თავს სტანდარტულად იცავს. როგორც იმნაძემ მთავრობის ადმინისტრაციაში გამართულ ბრიფინგზე განაცხადა, თავდაცვისას სამედიცინო პერსონალი წვეთოვან იზოლაციას და კონტაქტურ იზოლაციას აკეთებს.
„სამედიცინო პერსონალი თავს იცავს ძალიან სტანდარტულად და ეს ჩემმა ყველა კოლეგამ იცის. ეს არის წვეთოვანი იზოლაცია და კონტაქტური იზოლაცია. ეს არის სტანდარტული დაცვის წესები. ხოლო რაც შეეხება ჩვენი კოლეგის დაინფიცირებას, ეს იყო ექსტრაორდინალური შემთხვევა, როდესაც პრაქტიკულად არ შეეძლო ამ ადამიანს აგრესიული პაციენტისგან თავის დაცვა“, - განაცხადა პაატა იმნაძემ.