განწყობა, რომ ამ საერთო განსაცდელის დროს ვიღაცას წინასწარ უხარია ეკლესიაში გაჩნდეს ე.წ. კლასტერი, ძალიან სამწუხაროა. ყველას ვთხოვ, რომ ამ პერიოდში ერთმანეთს მოვუფრთხილდეთ და ნუ დავძაბავთ ისედაც ამ დიდი განსაცდელის წინაშე მყოფ ხალხს, - ამის შესახებ საპატრიარქოს საზოგადოებისასთან ურთიერთობის სამსახურის ხელმძღვანელმ, დეანოზმა ანდრია ჯაღმაიძემ საპატრიარქოში გამართულ ბრიფინგზე განაცხადა,
ამასთან, მისი განმარტებით, იმ დროს, როდესაც ყველას გვმართებს ერთმანეთის გვერდით დგომა, დახმარება და ანგარიშის გაწევა, ძალიან თვალშისაცემი არის წინასწარი მხიარულება, რომ ვინმე მღვდელი დასნეულდება, ან მრევლის წევრი ზიარების მერე დასნეულდება (COVID19-ით).
„ინფორმაცია გავრცელდა, რომ რუსთავის დეპუტატი თითქოს ზიარების მერე დასნეულდა. გადავამოწმეთ და მსგავსი რამ არ ყოფილა. გავრცელდა ინფორმაცია, რომ მღვდელი დასნეულდა რუსთავში, მსგავსი რამ არ მომხდარა. დაზღვეული არავინ არაფრისგან არ ვართ, ეს შეიძლება ნებისმიერ ადამიანს შეემთხვას. თუმცა, განწყობა, რომ ამ საერთო განსაცდელის დროს ვიღაცას წინასწარ უხარია ეკლესიაში გაჩნდეს ე.წ. კლასტერი, ძალიან სამწუხაროა. ყველას ვთხოვ, რომ ამ პერიოდში ერთმანეთს მოვუფრთხილდეთ და ნუ დავძაბავთ ისედაც ამ დიდი განსაცდელის წინაშე მყოფ ხალხს“, - განაცხადა დეკანოზმა.