წინა ხელისუფლებას სიცოცხლის უფლება აბსოლუტურად იგნორირებული ჰქონდა. შესაბამისად, სტრასბურგის სასამართლოს გადაწყვეტილება მოსალოდნელი იყო - ამის შესახებ საპარლამენტო უმრავლესობის ლიდერმა მამუკა მდინარაძემ განაცხადა, რითაც გამოეხმაურა სტრასბურგის სასამართლოს მიერ ე.წ. „ციხის ბუნტის“ საქმეზე გამოტანილ გადაწყვეტილებას.

„ყველამ ვიცით, რომ სიცოცხლის უფლება იყო ის უფლება, რომელიც წინა ხელისუფლებას აბსოლუტურად იგნორირებული ჰქონდა და სტრასბურგის სასამართლოს გადაწყვეტილება, როგორც რიგ სხვა შემთხვევებში, იყო და არის კიდევ ერთი დასტური, რომ 2012 წლამდე, ხელისუფლება სიცოცხლის უფლებას საერთოდ არ ცნობდა. მოლოდინი იყო, რომ გუშინ სტრასბურგის სასამართლო კიდევ ერთხელ გამოიტანდა ასეთ გადაწყვეტილებას“, - განაცხადა მდინარაძემ.

აღნიშნულ კომენტარს პარლამენტის პრესსამსახური ავრცელებს.