ბრიტანეთის პრემიერ-მინისტრი, ბორის ჯონსონი, აცხადებს, რომ თავს უკეთესად გრძნობს, თუმცა ტემპერატურა მაინც აღენიშნება.
„მიუხედავად იმისა, რომ თავს უკეთესად ვგრძნობ მას შემდეგ, რაც იზოლაციის 7 დღე უკვე გავიდა, ჯერ კიდევ მაქვს სიმპტომი, ტემპერატურა“,- აღნიშნა ჯონსონმა ვიდეო მიმართვის დროს.
მისივე თქმით, მას იზოლაციაში ყოფნა კიდევ მოუწევს.
„მინდა მოგიწოდოთ, რომ დარჩეთ სახლში. ქვეყანამ უდიდესი ძალისხმევა გასწია, უდიდესი მსხვერპლი, გთხოვთ დაემორჩილოთ წესებს“,-განაცხადა ჯონსონმა.
ცნობისთვის, ბრიტანეთის პრემიერ-მინისტრს კორონავირუსი გასულ კვირას დაუდგინდა.