სოციალურად დაუცველი მარტოხელა ხანდაზმულების დახმარების აქციას რამდენიმე კომპანია შეუერთდა

კომპანია M2-მა თბილისის გამგეობებს კორონავირუსის გავრცელების პრევენციის პერიოდში, სოციალურად დაუცველი მარტოხელა ხანდაზმულებისთვის განკუთვნილი ნობათები გადასცა. პროდუქციის მიღებისა და დახარისხების პროცესს დედაქალაქის მერი კახა კალაძე, მერის მოადგილე ილია ელოშვილთან ერთად გაეცნო. ამის შესახებ „ინტერპრესნუსს“ დედაქალაქის მერიიდან აცნობეს.

მათივე ინფორმაციით, თბილისის მერმა პროექტში ჩართულ კომპანიებს თანადგომისთვის მადლობა გადაუხადა. მისი განცხადებით, დღევანდელ აქციაში რიგითი მოქალაქეებიც ჩაერთნენ, რომლებმაც საკვები პროდუქტები და პირველადი მოხმარების საგნები საკუთარი ხარჯებით შეიძინეს.

„ძალიან დიდია სოლიდარობის გრძნობა. მინდა, მადლობა გადავუხადო კომპანია M2-ს, რომელმაც 1000 ოჯახისთვის განკუთვნილი საკვები პროდუქტები წარმოადგინა, რომლებიც დღეიდან ათივე რაიონში გადანაწილდება და ყველა იმ ოჯახს დაურიგდება, ვისაც ჩვენი თანადგომა სჭირდება. ასევე, მინდა, მადლობა გადავუხადო მხარდაჭერისთვის „თბილპურს“, „ზედაზენს“ „ნატახატარსა“ და ყველა იმ კომპანიას, ვინც ამ პროექტშია ჩართული. დღეს ორმა ახალგაზრდამ - ეკამ და ანამ, დაახლოებით, 100 ადამიანისთვის საკვები პროდუქტები გადმოგვცა, რისთვისაც მათ განსაკუთრებულ მადლობას ვუხდი. მადლობა რიგით მოქალაქეებს, თბილისელებს, ვინც ჩართულია ამ პროექტში. როდესაც ისინი „აგროჰაბის“, „კარფურის“, „გუდვილისა“ და „სმარტის“ სუპერმარკეტებში შედიან, სპეციალურად ამ ოჯახებისთვის განკუთვნილ პროდუქტს ყიდულობენ. შემდეგ კი ჩვენ მოხალისეებისა და გამგეობის თანამშრომლების ჩართულობით, მათ მოსახლეობაში ვარიგებთ“, - განაცხადა კახა კალაძემ.

თბილისის მერიის ინფორმაციით, სოციალურად დაუცველი მარტოხელა ხანდაზმულებისთვის საკვები პროდუქტებისა და პირველადი საჭიროების ნივთებით უზრუნველყოფის კამპანიაში დღეს კომპანიები - „ზედაზენი“, „ნატახტარი“ და „თბილპური“ ჩაერთნენ. ასევე, მოქალაქეებმა - ეკა ურეკაძემ და ანა გოგუშვილმა საკუთარი სახსრებით, 100 მარტოხელა მოხუცისთვის განკუთვნილი ნობათები შეიძინეს და გამგეობებს გადასცეს.

როგორც დედაქალაქის მერიაში აცხადებენ, მარტოხელა ხანდაზმულების დახმარების კამპანია გრძელდება. ბიზნესკომპანიებს, რომელთაც ქველმოქმედების სურვილი აქვთ, პროდუქტების მიტანა თბილისში, ბელიაშვილის N5-ში მდებარე სპეციალურ ფართში შეუძლიათ.

ნობათების გადაცემის პროცესს თბილისის მერთან ერთად, რაიონის გამგებლები და საკრებულოს დეპუტატები ესწრებოდნენ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)