"ახალი საქართველოს" თავმჯდომარე გიორგი ვაშაძე, საქართველოს სახალხო დამცველის 20-21 ივნისის მოვლენების გამოძიების შუალედურ ანგარიშს ეხმაურება და აცხადებს, რომ მმართველი გუნდი 20 ივნისის ღამის რეალური სურათის დამალვასა და მიჩქმალვას ცდილობს.
ვაშაძეს სრულ აბსურდად მიაჩნია, რომ რეზინის ტყვიების გასროლის გადაწყვეტილება სპეცრაზმელების მიერ იყოს მიღებული.
"ქართული ოცნება" ხელს აფარებს 20 ივნისის ღამის რეალურ სურათს, ცდილობს დამალოს და მიჩქმალოს ფაქტები, თითქოსდა სპეცრაზმელებმა თვითონ მიიღეს ეს გადაწყვეტილება- რეზინის ტყვიების გასროლის. ეს ხომ ხვდებით, რომ საერთოდ აბსურდია და ამაზე საუბარი არც უნდა იყოს. 20 ივნისის გამოძიება, აუცილებლად, მოხდება, ოღონდ არა "ქართული ოცნების" ხელისუფლების პირობებში", - აღნიშნა გიორგი ვაშაძემ.
ინფორმაციას "ახალი საქართველოს" პრესსამსახური ავრცელებს.