თბილისის სასწრაფო დახმარების ექიმი, რომელსაც კორონავირუსი დაუდასტურდა, ეროვნული ბანკის კლასტერიდანაა.

როგორც სამედიცინო უზრუნველყოფისა და გამოძახებათა მართვის დეპარტამენტის უფროსმა, ამირან გოგიტიძემ განაცხადა, ექიმი მისი მეუღლისგან დაინფიცირდა, რომელიც ეროვნული ბანკის თანამშრომელია.

“თბილისის სასწრაფო დახმარების ექიმს დღეს კორონავირუსი დაუდასტურდა. აღნიშნული ინფიცირება მოხდა მეუღლის მხრიდან და არ მომხდარა პაციენტის მხრიდან. აღნიშნული ინფიცირების წყარო წარმოადგენს ეროვნული ბანკის კლასტერს. ახლანდელი მდგომარეობით, ჩვენი ექიმი გადაყვანილია შესაბამის სამედიცინო დაწესებულებაში, მისი მდგომარეობა დამაკმაყოფილებელია”, - განაცხადა გოგიტიძემ.

ცნობისთვის, 2 აპრილს ეროვნულმა ბანკმა გაავრცელა განცხადება, რომლის თანახმადაც ეროვნული ბანკის 7 თანამშრომელს კორონავირუსი დაუდასტურდა.