ამირან გოგიტიძის განცხადებით, ექიმის ინფიცირების გამო, სასწრაფო დახმარების არც ერთი ეკიპაჟი არ გაჩერებულა

ჯანდაცვის სამინისტროს სამედიცინო უზრუნველყოფისა და გამოძახებათა მართვის დეპარტამენტის უფროსის, ამირან გოგიტიძის განცხადებით, სასწრაფო დახმარების ეკიპაჟები ჩვეულ რეჟიმში აგრელებენ მუშაობას.

როგორც მან ჟურნალისტებს განუცხადა, არსებობს საკმარისი ადამიანური რესურსი, ხოლო საჭიროების შემთხვევაში დამატებითი ბრიგადების მობილიზებაც შესაძლებელია.

„სასწრაფოს არც ერთი ფილიალი არ გაჩერებულა, ჩვეულ რეჟიმში ვაგრძელებთ მუშაობას. მინდა დავაზუსტო და ხაზგასმით ვთქვა, რომ სასწრაფო დახმარების არც ერთი ეკიპაჟი არ გაჩერებულა და არც გაჩერდება. ჩვენს ცენტრს ჰყავს საკმარისი ადამიანური რესურსი იმისთვის, რომ საჭიროების შემთხვევაში უზრუნველყოს ჩანაცვლება და დამატებითი ბრიგადის მობილიზება.

აქედან გამომდინარე, მინდა ყველა დავამშვიდო, მოსახლეობა, თითოეული ჩვენგანი, რომ გადაუდებელი დახმარების სერვისის მიწოდების საფრთხე ქვეყანაში არ არის და არც იქნება“, - განაცხადა გოგიტიძემ.

ინფორმაციისთვის, კორონავირუსით დაინფიცირებული შემთხვევებიდან ერთ-ერთი სასწრაფო დახმარების ექიმია. მისი ინფიცირება სავარაუდოდ, მეუღლისგან მოხდა, რომელიც ე.წ. ეროვნული ბანკის კლასტერიდანაა. სასწრაფო დახმარების სამსახურის ექიმს ბოლო მორიგეობა 31 მარტს ჰქონდა.

იხილეთ ვიდეო: ამირან გოგიტიძის განცხადებით, ექიმის ინფიცირების გამო, სასწრაფო დახმარების არც ერთი ეკიპაჟი არ გაჩერებულა

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!