„ნაციონალური მოძრაობა“ გამოდის ინიციატივით, რომ სოფლად მცხოვრები მოსახლეობისთვის სოფლის მეურნეობის ვაუჩერი შეიქმნას, ამის მიზეზი კი ახალი კორონავირუსის გამო არსებული გამოწვევაა. როგორც „ნაციონალური მოძრაობის“ წევრმა გიორგი ბოტკოველმა გამართულ ბრიფინგზე განაცხადა, ახალი კორონავირუსის პანდემიის გამო მსოფლიო, მათ შორის საქართველო გამოწვევის წინაშე იმყოფება. მისი თქმით, ამ გამოწვევამ ყოველდღიურობა შეცვალა, როგორც სოფლად, ისე ქალაქში მცხოვრები ადამიანებისთვის, ადამიანებმა დაკარგეს ყოველდღიური შემოსავალი, თუ ვინმეს რაიმე დანაზოგი გააჩნდა, მოსახლეობის მხრიდან მიმართულია ამ პრობლემების გამკლავებასთან.

„სწორედ ამიტომ, ჩვენ გამოვდივართ ინიციატივით სოფლად მცხოვრები მოსახლეობისთის შეიქმნას სოფლის მეურნეობის ვაუჩერი. კონკრეტულად, ეს ეხება მიზნობრივ ვაუჩერს. მოსახლეობას შესაძლებლობა ექნება გამიყენოს, როგორც საგაზაფხულო ხვნა-თესვისათვის , ასევე შხამ-ქიმიკატების, საწვავის და სასუქის შესაძენად. ასეთი ბევრი ადამიანია საქართველოში დღეს. ეს ეხება ადამიანებს, რომლებიც ფლობენ ორ ჰექტრამდე მიწის ნაკვეთებს,საქართველოში ასეთი 440 ათასი ოჯახია. სწორედ, ამიტომ, ვთავაზობთ სოფლის მეურნეობას, რომ დაუყოვნებლივ უნდა შეიქმნას სოფლის ვაუჩერი, რომელიც ბიუჯეტს შეიძლება 132 მილიონი ლარი დაუჯდეს, მაგრამ ეს იქნება ძალიან მნიშვნელოვანი გადაწყვეტილება ჩვენი მოსახლეობისთვის. ასეთი ღონისძიებების და მხარდაჭერის გამოცდილება ჩვენს ქვეყანას აქვს არაერთი სტიქიის დროს. ამ ყველაფერს ემატებიან ადამიანები, რომლებიც დღეს საქართველოში სხვადასხვა ქვეყნიდან ბრუნდებიან. ეს ადამიანები სწორედ სხვადასხვა ქვეყნებში გაემგზავნენ იმისათვის, რომ იქ ლუკმაპური იშოვონ . ამიტომ, ამ ადამიანებს დაბრუნების შემდეგ მხარდაჭერა სჭირდებათ“, - განაცხადა ბოტკოველმა.