საქართველოს ბიზნესომბუდსმენის აპარატი იმ კომპანიებსა და დაწესებულებებს ასახელეს, რომლებმაც 3 აპრილის მონაცემებით, კორონავირუსთან დაკავშირებით შექმნილ ფონდში ყველაზე დიდი შემოწირულობები განახორციელეს. მათივე ინფორმაციით, მსხვილ შემომწირველებს შორის არის ასევე, ფიზიკური პირი ირაკლი გილაური, რომელმაც ფონდში 1 მილიონი ლარი გადარიცხა. 3 აპრილის 18:00 საათის მონაცემებით, StopCoV ფონდის ყველაზე დიდი შემომწირველი კომპანია „მაგთიკომია“.
ფონდში უკვე 22 მილიონ 800 ათასი ლარია მობილიზებული.
„3 აპრილის, 18:00 საათის მდგომარეობით, COVID-19 ვირუსის წინააღმდეგ ბრძოლისთვის შექმნილ StopCoV ფონდში ყველაზე მსხვილი შემოწირულობები განახორციელეს: „მაგთიკომმა“ (3 მლნ ლარი), „კავკასუს ონლაინმა“ (1 მლნ ლარი), „არ ემ ჯიმ“ (1 მლნ ლარი), „სილქნეტმა“ (1 მლნ ლარი), „თბილისის სახელმწიფო სამედიცინო უნივერსიტეტმა“ (1 მლნ ლარი), „სათამაშო ბიზნესის ასოციაციამ“ (1 მლნ ლარი) და ფიზიკურმა პირმა ირაკლი გილაურმა (1 მლნ ლარი).
COVID-19 ვირუსის წინააღმდეგ ბრძოლისთვის შექმნილ #StopCoV ფონდში უკვე 22 მილიონ 800 ათასი ლარია მობილიზებული,“ - ნათქვამია ინფორმაციაში.