„თავისუფალი საქართველო“ - მთავრობამ მარიხუანას ლეგალიზაციასთან დაკავშირებული ინიციატივები, რომელიც სხვადასხვა ექსპერტისგან ფიქსირდება, არ უნდა განიხილოს

„თავისუფალი საქართველო“ მიიჩნევს, რომ მთავრობამ მარიხუანას ლეგალიზაციასთან დაკავშირებული ინიციატივები, რომელიც ქვეყანაში პანდემიით გამოწვეული ეკონომიკური ზიანის აღმოსაფხვრელად სხვადასხვა ექსპერტისგან ფიქსირდება, არ უნდა განიხილოს.

როგორც „თავისუფალი საქართველოს“ თავმჯდომარის მოადგილე, თენგიზ ომანიძე აღნიშნავს, ბოლო პერიოდში გამოითქვა უამრავი მოსაზრება, თუ როგორც უნდა მოხდეს პანდემიით გამოწვეული უზარმაზარი ეკონომიკური ზიანის ლიკვიდაცია.

მისი თქმით, მათ შორის, სახელისუფლებო პარტიასთან ახლო ურთიერთობაში მყოფი ექსპერტებისგან გაჟღერდა ინიციატივა მარიხუანას ლეგალიზაციის აუცილებლობაზე.

„მიუხედავად იმისა, რომ სრულად ვიაზრებთ იმ მძიმე ეკონომიკურ შედეგებს, რის წინაშეც დადგება ქვეყანა პანდემიის შემდგომ პერიოდში, მიგვაჩნია, რომ ამგვარი ინიციატივების განხილვაც კი დაუშვებელია.

უპირველესად, არასწორი და მცდარია ის ეკონომიკური არგუმენტი და მოლოდინები, რასაც გვთავაზობენ მსუბუქი ნარკოტიკების ლეგალიზაციის მომხრეები: მსოფლიოს ქვეყნების უმრავლესობაში ეს პროდუქტი არალეგალურია, რაც ამ ქვეყნებში მის ექსპორტს გამორიცხავს, ხოლო სადაც მისი გამოყენება (მ.შ: სამედიცინო მიზნით) დაშვებულია, იქ უკვე არსებობს ჩვენზე ბევრად განვითარებული და მასშტაბური მეურნეობები. ამდენად, მარიხუანას ლეგალიზაციას, არათუ არსებითი, მნიშვნელოვანი ეფექტიც კი ვერ ექნება საქართველოს ეკონომიკაზე“, - განაცხადა თენგიზ ომანიძემ.

მისივე თმით, ილუზია, რომ ნებადართული ნარკო-ბაზარი მხოლოდ ე.წ. „სამედიცინო მარიხუანას“ კულტივაციას მოემსახურება, არავის უნდა ჰქონდეს.

„ამასთან, საზოგადოებას კარგად ახსოვს, რა გავლენის მომხდენია ნარკოტიკებს თავისუფალი მიმოქცევა სახელმწიფოს ცხოვრებაზე, რაც უკავშირდება ქვეყანაში ნარკო-კარტელების გაჩენას, ორგანიზებულ კრიმინალს, რასაც თან სდევს ისედაც დასუსტებული სახელმწიფო ინსტიტუტების ნგრევა და ჩამოშლა. სწორედ ეს გამოცდილება დააგროვა ჩვენმა ქვეყანამ 90-იანი წლების კრიზისის დროს და რა საკვირველია, ილუზია, რომ ნებადართული ნარკო-ბაზარი მხოლოდ ე.წ. „სამედიცინო მარიხუანას“ კულტივაციას მოემსახურება - არავის უნდა ჰქონდეს.

„თავისუფალი საქართველო“ მიიჩნევს, რომ ვინაიდან ქვეყანა მართლაც დგას ძალიან სერიოზული გამოწვევის წინაშე, საკითხს სჭირდება ასეთივე სერიოზული გააზრება და სწორი ანტიკრიზული გეგმა. ამდენად, ვიმედოვნებთ, მთავრობის მხრიდან მსგავსი არაადეკვატური და უპასუხისმგებლო ინიციატივები განხილულიც კი არ იქნება“ - აღნიშნა ომანიძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია