ახალ კორონავირუსთან ბრძოლაში გამარჯვების მთავარი იარაღი არის ფიზიკური დაშორება და ჰიგიენური წესების დაცვა. ეს ყველგან გასაკეთებელია, ყოველგვარი გამონაკლისების გარეშე, - ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ ჟურნალისტებს განუცხადა, როდესაც უპასუხა კითხვას, საპატრიარქოსთან სააღდგომო ლიტურგიის თაობაზე მოლაპარაკებები თუ მიმდინარეობს და რა გადაწყდა ამ კუთხით.
მისი თქმით, არსებული ეპიდემიოლოგიური სურათიდან გამომდინარე კომპრომისები არ იქნება მომგებიანი, რადგან დაინფიცირების შანსი აბსოლუტურად ყველას აქვს, მიუხედავად გვარიშვილობის, თანამდებობის და პოლიტიკური მრწამსისა.
„ამ ბრძოლაში გამარჯვების მთავარი იარაღი არის ფიზიკური დაშორება და ჰიგიენური წესების დაცვა. ეს ყველგან გასაკეთებელია, ყოველგვარი გამონაკლისების გარეშე. გავითვალისწინოთ ის, რომ სულიერ სიჯანმრთელეს ასევე დავურთოთ და არ ჩამოვაშოროთ ფიზიკური სიჯანმრთელე“, - განაცხადა ხუნდაძემ.