ინფექციური საავადმყოფოს სამედიცინო დირექტორის მარინა ეზუგბაიას განცხადებით, კლინიკაში ამჟამად მძიმე პნევმონია 3-4 პაციენტს აქვს, ხოლო საშუალო და მსუბუქი მიმდინარეობის პნევმონია თითქმის ყველა პაციენტში ვლინდება. რაც შეეხება 80 წლის ქალის მდგომარეობას, ეზუგბაიას თქმით, მის შემთხვევაში მდგომარეობა არ შეცვლილა და სიტუაცია სტაბილურია.

„ჩვენს ცენტრში სამი პაციენტი გამოჯანმრთელდა და ამ სამმა პაციენტმა დატოვა ჩვენი ცენტრი. 31 გამოჯანმრთელებულიდან 25 ჩვენი პაციენტია. ჩვენ ძალიან მძიმე 5 პაციენტი გვყავდა. მძიმე პნევმონიით პაციენტები, რა თქმა უნდა, გვყავს, დაახლოებით, 3-4 პაციენტია. დანარჩენ შემთხვევაში საშუალო და მსუბუქი მიმდინარეობის პნევმონია თითქმის ყველა პაციენტში ვლინდება. რაც შეეხებ 80 წლის ქალბატონს, დღეს დილიდან საღამომდე მდგომარეობა არ შეცვლილა. სიტუაცია სტაბილურია, რაც მე მგონი, სამომავლოდ სასიკეთო უნდა იყოს“,-განაცხადა მარინა ეზუგბაიამ.