თინა ბოკუჩავა - მთავრობას მივმართეთ თხოვნით, რომ მოგვეცეს შესაძლებლობა უკრაინული ავიაკომპანია „სკაიაპის“ გამოყენებით, მგზავრებისთვის სრულიად უსასყიდლოდ განვახორციელოთ 5 რეისი

„ნაციონალური მოძრაობის“ წევრის, თინა ბოკუჩავას განცხადებით, ხელისუფლებას თხოვნით მიმართეს, რომ მიეცეთ შესაძლებლობა უკრაინული ავიაკომპანიის დახმარებით, ევროპის სხვადასხვა დედაქალაქებიდან სრულიად უსასყიდლოდ საქართველოს მოქალაქეები ჩამოიყვანონ.

თინა ბოკუჩავს განმარტებით, ახლა პოლიტიკური კინკლაობის და ქიშპობის დრო არ არის და საჭიროა, ერთობლივი მოქმედება.

„მივმართეთ თხოვნით, როგორც ეს დეკრეტშია მოთხოვნილი ყველა ამ წესის დაცვით, რომ მოგვეცეს შესაძლებლობა უკრაინული ავიაკომპანია „სკაიაპის“ გამოყენებით მგზავრებისთვის სრულიად უსასყიდლოდ განვახორციელოთ 5 რეისი, პირველი ეტაპისათვის, რომ მოხდეს დაახლოებით 1000-მდე ჩვენი თანამოქალაქის ტრანსპორტირება ევროპის სხვადასხვა დედაქალაქებიდან. კიდევ ერთხელ ვიმეორებ, მზად ვართ, ავიღოთ ყველა ფინანსური ხარჯი, რაც კი, უკავშირდება ამ რეისებს და ამისთვის მზად ვართ, მათ შორის, რომ ეს თანხები გადავრიცხოთ სპეციალურ ფონდში. ჩვენ კიდევ ერთხელ ხაზს ვუსვამთ, რომ ახლა არ არის ერთმანეთისთვის ნიშნის მოგების დრო, არ არის პოლიტიკური კინკლაობის და ქიშპობის დრო. ახლა არის მოქმედების დრო, მათ შორის, ერთობლივი მოქმედების“ , - განაცხადა თინა ბოკუჩავამ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია