აზერბაიჯანში კორონავირუსით გარდაცვლილთა რაოდენობა ორით გაიზარდა და მთლიანობაში შვიდი ადამიანი შეადგინა. ამის შესახებ მინისტრთა კაბინეტთან არსებული ოპერატიული შტაბი იუწყება.

„გარდაცვლილთაგან ერთი 1931 წელს დაბადებული ადამიანია, რომელსაც დიაბეტი ჰქონდა. მეორე კი 1956 წელს დაბადებული პირია, რომელსაც გულის იშემიური დაავადება, არტერიული ჰიპერტენზია და დიაბეტი ჰქონდა“ ,- განაცხადეს შტაბში.

მათივე ინფორმაციით, დღეისთვის აზერბაიჯანში კორონავირუსით დაინფიცირების 584 შემთხვევაა გამოვლენილი, 32 ადამიანი გამოჯანმრთელდა, 7 გარდაიცვალა, 545 პაციენტის მკურნალობა გრძელდება.