ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარის, მაკა სოლოღაშვილის ინფორმაციით, კლინიკაში კორონავირუსით ინფიცირებული 10 პაციენტი მკურნალობს, რომელთაგან 2 პაციენტი ახალი შემთხვევაა. მისივე ინფორმაციით, ორი ახალი პაციენტიდან ერთ-ერთის მდგომარეობა საყურადღებოა. სოლოღაშვილის განცხადებით, ორივე ახალი პაციენტი თვითიზოლაციაში იმყოფებოდა და მათი კონტაქტები დადგენილია.
„დღეს ბოჭორიშვილის კლინიკაში მკურნალობს 32 პაციენტი. მათგან კოვიდ 19 დადასტურებული აქვს 10 პაციენტს და ამ 10 პაციენტიდან 2 არის ახალი. ახალი პაციენტების მდგომარეობა დამაკმაყოფილებელია. ერთი საყურადღებოა, რომელთანაც მიმდინარეობს მკურნალობა. ეს ორი ახალი პაციენტი არის ქვეყნის შიდა გავრცელება. ინფიცირების პირველადი წყარო შესწავლილია, კონტაქტები დადგენილია,“ - განაცხადა სოლოღაშვილმა.
მისივე ინფორმაციით, ბოჭორიშვილის კლინიკაში მოთავსებულ 4 პაციენტს განმეორებითი კვლევა უტარდება გამოჯანმრთელების დასადასტურებლად.
იხილეთ ვიდეო: ბოჭორიშვილის კლინიკაში ამ დრომდე 10 პაციენტია მოთავსებული