თბილისის ზღვის ჰოსპიტალში ამჟამად 50 პაციენტი მკურნალობს. როგორც თბილისის ზღვის ჰოსპიტლის კრიტიკული მედიცინის დეპარტამენტის ხელმძღვანელმა, მარეხ ბექაიამ ჟურნალისტებს განუცხადა, ლუგარის ლაბორატორიიდან მიღებული პასუხების შედეგებით, 4 პაციენტს კორონავირუსი დაუდასტურდა. მისი განმარტებით, 50 პაციენტიდან ერთი რეანიმაციულ განყოფილებაში იმყოფება, ხოლო 49 თერაპიულში.

„ამჟამად კლინიკაში 50 პაციენტი მკურნალობს. გუშინ მიღებული პაციენტებიდან 38 -ის ტესტი ლუგარის ლაბორატორიაში გაიგზავნა და ოთხი დადასტურებული პასუხი მივიღეთ. პაციენტები პირველ საუნივერსიტეტო კლინიკაში არიან გადაყვანილი. ამჟამად მკურნალობას 50 პაციენტი აგრძელებს, მათგან ერთი არის რეანიმაციაში, 49 პაციენტი თერაპიულ განყოფილებაშია. მართვით სუნთქვაზე არცერთი პაციენტი არ იმყოფება. მათი დისლოკაცია პროფილური კლინიკების მიხედვით მოხდება“,-განაცხადა მარეხ ბექაიამ.