ლევან რატიანი - 62 წლის ქალი, რომელიც ე.წ. მარნეულის კლასტერიდანაა, კლინიკას რამდენიმე დღეში დატოვებს

ახალი კორონავირუსით ინფიცირებული 62 წლის ქალი, რომელიც ე.წ. მარნეულის კლასტერიდანაა, თსსუ-ს პირველ საუნივერსიტეტო კლინიკას რამდენიმე დღეში დატოვებს.

როგორც ჟურნალისტებს თბილისის სახელმწიფო სამედიცინო უნივერსიტეტის დირექტორმა ლევან რატიანმა განუცხადა, პაციენტთან მიმართებით პირველი ეტაპის ტესტზე პასუხი დადებითია.

ექიმის თქმით, ასევე გაუმჯობესებულია კიდევ ერთი ინფიცირებული პაციენტის, 80 წლის ქალის მდგომარეობაც.

ლევან რატიანის განმარტებით, მათ კლინიკაში ამ დროისთვის, სულ 67 პაციენტი მკურნალობს, აქედან კი 51 პაციენტი ახალი კორონავირუსითაა ინფიცირებული.

„ჩვენი კლინიკა ემსახურება ქვეყანაში ყველაზე კრიტიკულ პაციენტს, ყველაზე მძიმე პაციენტები მკურნალობას ჩვენს კლინიკაში აგრძელებენ. 62 წლის ქალბატონთან მიმართებით, რომელიც არის ე.წ. მარნეულის კლასტერიდან, პირველ ეტაპზე დადებითი ტესტი მოვიდა. სავარაუდოდ, რამდენიმე დღეში გაეწერება კლინიკიდან. ასევე 80 წლის ქალბატონის მდგომარეობა, რომელიც ჩვენს კლინიკაში შემოსულია მწვავე რესპირატორული სინდრომით, ორმხრივი მწვავე პნევმონიით, მწვავე სეფსისით, გულის უკმარისობით, არტერიული ჰიპერტენზიით, დინამიკაში გაუმჯობესებული იყო. ამ დილიდან მოიხსნა მართვითი სუნთქვიდან და ქალბატონი სპონტანურ სუთქვაზეა“, - განაცხადა რატიანმა.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია