საგარეო საქმეთა მინისტრმა დავით ზალკალიანმა იმედი გამოთქვა, რომ ერაყში გულის შეტევით გარდაცვლილი საქართველოს მოქალაქის გადმოსვენების საკითხი უახლოეს მომავალში მოგვარდება. მისი თქმით, ამისათვის საქართველოს საგარეო უწყება თურქეთის შესაბამის სტრუქტურებთან ყოველდღიური კომუნიკაციის რეჟიმშია, თუმცა თურქეთს მესამე სამყაროს ქვეყნებთან საზღვრები ჩაკეტილი აქვს.
„ჩემთვის ცნობილია ეს შემთხვევა. მოგეხსენებათ, თურქეთს მესამე სამყაროს ქვეყნებთან საზღვრები დაკეტილი აქვს. საკმაოდ რთული სიტუაციაა და გამონაკლისებს არ უშვებენ, თუმცა თურქეთის შესაბამის სტრუქტურებთან კომუნიკაციაში ჩვენ ყოველდღიურ რეჟიმში ვართ და მინდა გამოვთქვა იმედი, რომ ეს პრობლემა უახლოეს პერიოდში მოგვარდება,“ - განაცხადა ზალკალიანმა.