ეკატერინე ტიკარაძის განცხადებით, საჩხერის საავადმყოფომ ჯანდაცვის სამინისტროსა და დაავადებათა კონტროლის ცენტრის გაიდლაინით ისარგებლა, რამაც შესაძლებელი გახადა კორონავირუსით ინფიცირებული ექიმის დიაგნოსტიკა

ჯანდაცვის მინისტრის, ეკატერინე ტიკარაძის განცხადებით, საჩხერის საავადმყოფომ ჯანდაცვის სამინისტროსა და დაავადებათა კონტროლის ცენტრის გაიდლაინით ისარგებლა, რამაც შესაძლებელი გახადა კორონავირუსით ინფიცირებული ექიმის დიაგნოსტიკა.

ტიკარაძის თქმით, ამან ვირუსის მედპერსონალსა და მოსახლეობაზე გავრცელების პრევენცია მოახდინა. ამისთვის ტიკარაძე მედპერსონალსა და საავადმყოფოს ხელმძღვანელს მადლობას უხდის.

„თქვენ იცით, რომ საჩხერის საავამყოფო ისევე, როგორც საჩხერის სასტუმრო პირველივე დღეებიდან არიან ჩართული კოვიდ ინფექციის მართვაში. ის საწყის ეტაპზე გამოყენებული იყო როგორც საკარანტინო ზონად და შემდეგ უკვე ჩაერთო კოვიდის მართვაში სტაციონარი. საჩხერის საავადმყოფოში არ აღინიშნება დეფიციტი უსაფრთხოების აღჭურვილობის. ამ შეთხვევაში ჩვენ საქმე გვაქვს როგორც საჩხერის საავადმყოფოს დირექტორის, ასევე მედპერსონალის მაღალ კვალიფიკაციასთან და მაღალ შეგნებასთან - მათ სამინისტროს და დაავადებათა კონტროლის ცენტრისგან მიწოდებული გაიდლაინის მყისიერად გამოყენება გადაწყვიტეს, რაც აღმოჩნდა იმ შედეგის მომცემი, რომ ჩვენ პირველივე ტალღასა და ეტაპზე მოვახდინეთ ექიმის დიაგნორისტირება, რამაც ჩვენ თავიდან აგვაცილა ამ ვირუსის გავრცელება მედპერსონალსა და ასევე მოსახლეობაში, რისთვის მინდა, მადლობა გადავუხადო საჩხერის საავადმყოფოს მედპერსონალს, ასევე მის ხელმძღვანელს”, - განაცხადა ტიკარაძემ.

ცნობისთვის, 5 აპრილს საჩხერის სამედიცინო ცენტრის თანამშრომელს კორონავირუსი დაუდასტურდა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!