კოტ-დიუარის ქალაქ აბიჯანში მოქალაქეებმა კორონავირუსის ტესტირების ლაბორატორია დაანგრიეს. გავრცელებული ინფორმაციით, მოქალაქეებმა აღნიშნული გადაწყვეტილება იმით ახსნეს, რომ ლაბორატორია საცხოვრებელ პუნქტთან ძალიან ახლოს იყო და მოსახლეობას საფრთხეს უქმნიდა. ისინი შიშობდნენ, რომ შენობიდან შესაძლებელია ვირუსის გავრცელება მომხდარიყო.
ცნობისთვის, კოტ-დიუარში კორონავირუსის 261 შემთხვევაა დადგენილი. გარდაცვლილია სამი ადამიანი. თავად აღნიშნული ქალაქი კი მკაცრ კარანტინში იმყოფება.