რესპუბლიკური საავადმყოფოს დირექტორის ლევან გოფოძის განცხადებით, დღეს რესპუბლიკურ საავადმყოფოში მოთავსებულ 16 პაციენტს ჩაუტარდა კორონავირუსზე ტესტი და მათი პასუხები დღის ბოლოს იქნება ცნობილი.

როგორც გოფოძემ ჟურნალისტებს განუცხადა, რესპუბლიკურში 36 პაციენტია დაკვირვების ქვეშ.

„ამჟამად რესპუბლიკურ საავადმყოფოში დაკვირვების ქვეშ 36 პაციენტია, მათგან მხოლოდ 1-ს აქვს კორონავირუსი დადასტურებული, დანარჩენები არიან დაკვირვების ქვეშ. გუშინ ტესტირება 15 პაციენტს ჩაუტარდა და 15-ვესთან ნეგატიური პასუხი მოვიდა. დღეს კიდევ 16 პაციენტს გაუკეთდა ტესტირება და მათი პასუხები მოგვიანებით იქნება ცნობილი”, - განაცხადა გოფოძემ.