გოკა გაბაშვილი მერიის მიერ 300 მიკროავტობუსის შეძენის გადაწყვეტილებაზე  -  მთელი მსოფლიო პანდემიას ებრძვის და ასეთ დროს, ბიუჯეტის ხარჯით ერთ კომპანიას ასეთი საჩუქარი გაუკეთო,  გამაოგნებელი და არასწორი ნაბიჯია

„ევროპული საქართველოს“ წევრის გოკა გაბაშვილის განცხადებით, თბილისის მერია თუ ნამდვილად აპირებს, რომ ქვეყანაში COVID19-თან ბრძოლის პირობებში, დაახლოებით 30 მილიონი გადაიხადოს თბილისის სამარშრუტო ტაქსების, კერძო კომპანიის ტრანსპორტის შესაძენად, „ეს არის უგუნური საქციელი“.

როგორც გაბაშვილმა განაცხადა, ვირუსის გამო არავინ იცის მოვლენები როგორ განვითარდება, ამიტომ, ასეთ ვითარებაში, როცა ყველა თანხა დასაზოგია, ტენდერის გამოცხადება და ამაში ფულის გაღება „უგუნური საქციელია“.

„ჩვეულებრივ დროსაც უგუნური საქციელია, რადგან თვითონ კომპანიას აქვს ვალდებულება, რომ ჩაანაცვლოს გამოუსადეგარი ტრანსპორტი. ასეთ დროს, ბიუჯეტის ხარჯით ერთ კომპანიას ასეთი საჩუქარი გაუკეთო, განსაკუთრებით დაუშვებელია. მოგეხსენებათ, მთელი მსოფლიო პანდემიას ებრძვის. საქართველოში ჯერ არ ვიცით, ეს რა ხარჯებს გამოიწვევს. ამან შეიძლება ძალიან დიდი ხარჯი გამოიწვიოს პენსიონერების, უმუშევრობის დახმარებისთვის. ამან შესაძლოა მთელი ბიზნესის დახმარების პაკეტის აუცილებლობა გამოიწვიოს. გასაკეთებელია ქონების გადასახადის შემცირება, საშემოსავლოს შემცირება. ქვეყანა გამოსაყვანია კრიზისიდან. თვითონ მთავრობა ამბობს, რომ 2 მილიარდის მობილიზებას აპირებს ბიუჯეტში. ასეთ ვითარებაში 30 მილიონის დახარჯვა, კერძო კომპანიას ვითომ კარგი საქმე გაუკეთო, სრულებით გაუგებარი, გამაოგნებელი და არასწორი ნაბიჯია. იმედი მაქვს, რომ ამაზე დაფიქრდებიან, გააცნობიერებენ, რა ხარჯებთან შეიძლება ჰქონდეთ საქმე 2-3 თვეში და გადაიფიქრებენ ამ არასწორი ნაბიჯის გადადგას“, - განაცხადა გოკა გაბაშვილმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა