გერმანიის კანცლერის, ანგელა მერკელის განცხადებით, კორონავირუსთან ბრძოლის პირობებში, ევროკავშირი მისი დაარსების დღიდან ყველაზე დიდი გამოცდის წინაშე დგას.
მერკელის თქმით, კრიტიკულად მნიშვნელოვანია, რომ ევროკავშირი „მთლიანობაში განიკურნოს“.
„გერმანია გრძელვადიან პერსპექტივაში მხოლოდ მაშინ იქნება წარმატებული, თუკი ევროპა იქნება წარმატებული“, - განაცხადა მერკელმა კორნავირუსთან ბრძოლაში ჩართული მინისტრთა კაბინეტის წევრებთან შეხვედრის შემდეგ.
მერკელის მოსაზრებით, ყველას ინტერესებშია, რომ ევროპა კრიზისიდან უფრო მეტად გაძლიერებული გამოვიდეს. მან ევრობლოკს მოუწოდა, რომ მედპერსონალისთვის აუცილებელი დამცავი საშუალებების შექმნის მიმართულებით შესაძლებლობები გააძლიეროს.