თბილისის ზღვის ჰოსპიტალის კრიტიკული მედიცინის დეპარტამენტის ხელმძღვანელის, მარეხი ბექაიას განცხადებით, მის კლინიკაში კორონავირუსი 2 პაციენტს დაუდასტურდა, რომელთაც დღეს თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში გადაიყვანენ.
როგორც ბექაიამ ჟურნალისტებს განუცხადა, მათი მდგომარეობა საშუალოდ მძიმეა.
„კლინიაში იმყოფება სულ 43 პაციენტი. გუშინ მიღებულია 33 პაციენტი. გაგზავნილია 34 ანალიზი კვლევაზე. მოვიდა ორი დადებითი, დღეს ორივე გადაყვანილი იქნება საუნივერსიტეტო კლინიკაში.
პაციენტების მდგომარება არის საშუალო სიმძიმის. რეანიმაციულ განყოფილებაში არ წევს არცერთი პაციენტი“,- განაცხადა ბექაიამ.