ლევან რატიანის ინფორმაციით, 86 წლის ქალს მწვავე პნევმონია აქვს, თუმცა კლინიკაში შეყვანის შემდეგ მისი მდგომარეობა არ გართულებულა

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის ლევან რატიანის განცხადებით, თუ განმეორებითმა PCR კვლევამ უარყოფითი შედეგი აჩვენა, კლინიკას კიდევ რამდენიმე ადამიანი დატოვებს.

“იცით, რომ ჯანდაცვის მსოფლიო ორგანიზაციამ შეიძლება, შეიტანოს ცვლილება და ორჯერადი PCR შეიძლება გახდეს ერთჯერადი. პირველი ჯერი იცით, რომ მივიღეთ უარყოფითი, ლუგარიდან ველოდებით პასუხებს თუ კვლავ მივიღებთ უარყოფით პასუხს, რამდენიმე პაციენტი დატოვებს კლინიკას,“-განაცხადა ლევან რატიანმა.

კლინიკაში მოთავსებული ახალი პაციენტების ჯანმრთელობის მდგომარეობა ამ ეტაპზე სტაბილურია და ჩატარებული კვლევებით მათთან არანაირი პათოლოგია არ ვლინდება. რატიანის თქმით, ისინი ექიმების მეთვალყურეობის ქვეშ არიან.

„რაც შეეხება რისკფაქტორებს, ამ ეტაპამდე იცით, რომ ჯანმრთელობის მსოფლიო ორგანიზაციის რეკომენდაცია არის 60+1 და ამასთანავე, გულ-სისხლძარღვთა სისტემის დაავადება. მართალია ასეთი პაციენტი გვყავს, მაგრამ, მინდა გითხრათ, რომ მათი ვიტალური პარამეტრები ამ ეტაპამდე ნარჩუნდება.

რაც შეეხება ექიმის მდგომარეობას, მისი მდგომარეობა ამ ეტაპზე მკვეთრად გაუმჯობესებულია. ბოლო 16 საათი ცხელება არ ყოფილა, სუნთქვის პარამეტრები არ უარესდება. ასევე ორი მედპერსონალი, რომელიც გადმოყვანილია სხვა კლინიკიდან, მათი მდგომარეობა ამ ეტაპამდე უარყოფითი დინამიკის გარეშეა, იმყოფებიან მონიტორინგის ქვეშ.

რაც შეეხება, 86 წლის ქალს, რომელიც არის სომატურად დატვირთული გულ-სისხლძარღვთა დაავადებების მხრივ, ჩატარებულმა კვლევებმა გამოავლინა ორმხრივი მწვავე პნევმონია, საშუალო ხარისხის მძიმე დისტრესი, მაგრამ შემოყვანის შემდეგ, მასთან მდგომარეობა არ გართულებულა“, - განაცხადა ლევან რატიანმა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს