რუსეთის კოსმოსური სააგენტო, „როსკოსმოსი“ დონალდ ტრამპს პლანეტების მიტაცების მცდელობაში ადანაშაულებს. ინფორმაციას „როიტერსი“ ავრცელებს. გამოცემის ცნობით, საუბარია აშშ-ის პრეზიდენტის ბრძანებაზე, რომელიც კოსმოსის კომერციული საქმიანობისთვის გამოყენებას ითვალისწინებს.
„როსკოსმოსის“ თქმით, აღნიშნული განკარგულება საფრთხეს უქმნის კოსმოსში საერთაშორისო თანამშრომლობას.
სააგენტოს საერთაშორისო თანამშრომლობის დეპარტამენტის უფროსი, სერგეი სავალევი აცხადებს, რომ მსგავსი ქმედებები საზიანოა ურთიერთანამშრომლობისთვის.
„ისტორიაში არის იმის მაგალითები, როცა ერთმა ქვეყანამ სხვისი ტერიტორიების მისაკუთრება დაიწყო. ჩვენ ყველას გვახსოვს ეს როგორ დასრულდა“,-განაცხადა სავალევმა.
ცნობისთვის, 6 აპრილს ტრამპმა ხელი მოაწერა ბრძანებულებას შეერთებულ შტატების უფლების შესახებ, მოახდინოს რესურსების კომერციალიზაცია მთვარეზე და სხვა ციურ სხეულებზე. დოკუმენტში ნათქვამია, რომ აშშ-ს მოქალაქეებს უნდა ჰქონდეთ უფლება განახორციელონ კომერციული კვლევები და გამოიყენონ რესურსები გარე სივრცეში, მოქმედი კანონის შესაბამისად.