თენგიზ ცერცვაძე - საქართველოში ავადმყოფების მცირე რაოდენობა განაპირობა სახელმწიფო ვერტიკალის ძალიან გამართულმა, საათივით აწყობილმა მოქმედებამ

საქართველოში ავადმყოფების მცირე რაოდენობა განაპირობა სახელმწიფო ვერტიკალის ძალიან გამართულმა, საათივით აწყობილმა მოქმედებამ, - ამის შესახებ ინფექციური საავადმყოფოს დირექტორმა თენგიზ ცერცვაძემ ბრიფინგზე განაცხადა.

მისი თქმით, ყველა საპასუხო ღონისძიება ხორციელდებოდა დროულად, ადეკვატურად და ეფექტურად, რაც არ გააკეთა ან ვერ გააკეთა ევროპის ვერც ერთმა სახელმწიფომ. მან კორონავირუსის გავრცელების წინააღმდეგ ბრძოლაში პრემიერ-მინისტრ გიორგი გახარიას როლს ხაზი გაუსვა და აღნიშნა, რომ პრემიერის ინტერვენციები საკმაოდ ეფექტური აღმოჩნდა.

„მე ყველა ჩემს გამოსვლაში ყოველთვის ვამბობდი და ახლაც ვამბობ, რომ ავადმყოფების მცირე რაოდენობა (სულ 195, ვთქვათ დღის ბოლომდე იყოს 200) განაპირობა სახელმწიფო ვერტიკალის ძალიან გამართულმა, საათივით აწყობილმა მოქმედებამ. მხედველობაში მყავს, ვერტიკალი დაწყებული ეპიდემიოლოგით და ექიმით, გაგრძელებული დაავადებათა კონტროლის ეროვნული ცენტრით, ჯანდაცვის სამინისტროთი, რომელიც მთავარ როლს თამაშობს, საქართველოს მთავრობით და პირადად ბატონი გიორგი გახარიათი, რომელმაც გარკვეული დროის წინ ამ პრეკრიზისული სიტუაციის მმართველობა საკუთარ ხელში აიღო და მისი ინტერვენციები უაღრესად ეფექტური აღმოჩნდა. ვერტიკალმა ამას მიაღწია იმით, რომ ყველა საპასუხო ღონისძიება ხორციელდებოდა დროულად, ადეკვატურად და ეფექტურად, რაც არ გააკეთა ან ვერ გააკეთა ევროპის ვერც ერთმა სახელმწიფომ. ამას სრული პასუხისმგებლობით ვამბობ“, - განაცხადა ცერცვაძემ.

მისივე თქმით, საქართველოში კორონავირუსით ინფიცირებულთა სიკვდილიანობის მცირე რიცხვი განაპირობა ჯანდაცვის სამინისტროს სწორმა პოლიტიკამ, საქართველოს კლინიკური სექტორის მაღალმა პროფესიონალიზმმა და მედიკოსების თავგანწირვამ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)