“სამოქალაქო მოძრაობის” ლიდერის ლევან იოსელიანის თქმით, პენიტენციურ სისტემას პატიმრებისთვის ვიდეო შეხვედრების მოწყობა შეუძლია. ამის შესახებ ინფორმაციას „სამოქალაქო მოძრაობა“ ავრცელებს.
“კორონავირუსის გამო აკრძალულია პაემნები. ოჯახის წევრებს უკვე დიდიხანია არ ეძლევათ საშუალება მოინახულონ პატიმრები. თუ აქამდე ახლობლები კითხულობდნენ და ნერვიულობდნენ მსჯავრდებულებზე, ახლა პირიქითაა, ისინი ნერვიულობენ ჩვენზე. ამიტომ საჭიროა პენიტენციურმა დაწესებულებამ უზრუნველყოს პატიმრების ოჯახის წევრებთან ონალაინ კომუნიკაცია. ეს ყველაფერი არ დაჯდება ძვირი და ამის განხორციელება სასჯელაღსრულებისა და პრობაციის სამინისტროს შეუძლია",- აცხადებს ლევან იოსელიანი.
"სამოქალაქო მოძრაობის" ლიდერის განცხადებით, ვითარება შეიცვალა და გამხნევება დღეს უკვე პატიმრებისგან ესაჭიროებათ მათი ოჯახის წევრებს, რისი საშუალებაც უნდა მიეცეთ.