ამირან გამყრელიძე - ბევრგან მსუბუქ შემთხვევებს სახლში მკურნალობენ, მაგრამ სანამ კლინიკებში საწოლები გვაქვს, ვარჩევთ შემთხვევების მართვა ჰოსპიტალურად მოხდეს

ბევრ ქვეყანაში მსუბუქ შემთხვევებს მკურნალობენ სახლში. გარკვეულ პერიოდში, რაღაც თამასის შემდეგ ამაზე შეიძლება ჩვენც ვიფიქროთ, მაგრამ ამ ეტაპზე, სანამ კლინიკებში საწოლები საკმაო რაოდენობით გვაქვს, ჯერჯერობით მაინც ვარჩევთ იმას, რომ ეს შემთხვევები იმართოს ჰოსპიტალურად , - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ვიდეოჩართვისას, „ინტერპრესნიუსის“ კითხვის საპასუხოდ განაცხადა.

მისი თქმით, საერთაშორისო გამოცდილების მიხედვით, კორონავირუსით ინფიცირების შემთხვევათა 80% მიმდინარეობს მსუბუქი და საშუალო მიმდინარეობით, 15%-ში მძიმე და 5%-ში კრიტიკული გამოვლინებით.

„ბევრ ქვეყანაში მსუბუქ შემთხვევებს მკურნალობენ სახლში. გარკვეულ პერიოდში, რაღაცა თამასის შემდეგ ამაზე შეიძლება ჩვენც ვიფიქროთ, მაგრამ კლინიცისტებთან კონსულტაციების შემდეგ იმ აზრამდე ვართ მისული, რომ ამ ეტაპზე, ჯერჯერობით, სანამ ჩვენ საწოლების საკმაო რაოდენობა გვაქვს გამოყოფილი კლინიკებში, ჯერჯერობით მაინც ვარჩევთ იმას, რომ ეს შემთხვევები იმართოს ჰოსპიტალურად, თუმცა ჩვენ ვემზადებით და გვაქვს შესაბამისი ალგორითმი როდის, რა ეტაპზე, როგორ და რა ტიპის ამბულატორიულ მართვაზე უნდა გადავიდეთ ამ ინფიცირებული პაციენტების შემთხვევაში. დღეს ამბულატორიული ქსელი უფრო ადამიანების კონსულტირებაზეა ორიენტირებული, მათ სწორ ტრიაჟზე და სწორ გადამისამართებაზე“, - განაცხადა ამირან გამყრელიძემ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით