კახა კალაძე -  მკაცრი ზომები და ნაბიჯები იყო აუცილებელი, რომ, რაც შეიძლება მცირე დანაკარგით, გამოვიდეთ ამ ურთულესი მდგომარეობიდან

დედაქალაქის მერმა, კახა კალაძემ თბილისში არსებულ მდგომარეობაზე ისაუბრა და ვირუსის გავრცელების რისკების შესამცირებლად მოქალაქეების სახლებში დარჩენის მნიშვნელობას კიდევ ერთხელ გაუსვა ხაზი.

„თბილისისთვის უჩვეულოა ცხოვრების ის წესი, რაშიც ახლა ვიმყოფებით, მაგრამ რას ვიზამთ. ამ ღონისძიებების გატარება არის გადაუდებელი აუცილებლობა. მინდა, მადლობა გადავუხადო თბილისელებს, რომელთა უმეტესობა კომენდანტის საათს ძალიან კარგად იცავს. არის გარკვეული დარღვევები, რასაც შესაბამისი რეაგირება ყოველთვის მოსდევს. კიდევ ერთხელ ავხსნი, თუ რა პრობლემასთან გვაქვს საქმე- ერთია, როცა ხედავ მტერს და იცი, რისთვის უნდა მოემზადო, მეორეა, ებრძვი მას, რასაც ვერ ხედავ. ამ უხილავმა მტერმა, სამწუხაროდ, ძალიან ბევრი ადამიანის სიცოცხლე შეიწირა მსოფლიოში. ვხედავთ, რაც ხდება ევროპულ ქვეყნებში, რა მძიმე მდგომარეობაა. თუმცა, საბედნიეროდ, იქაც ბოლო დღეების განმავლობაში ცოტა დასტაბილურდა სიტუაცია.

ამდენად, მკაცრი ზომები და ნაბიჯები, რაც ჩვენ ცოტა ადრე დავიწყეთ, იყო აუცილებელი, რომ რაც შეიძლება მცირე დანაკარგით გამოვიდეთ ამ ურთულესი მდგომარეობიდან. კიდევ ერთხელ მოვუწოდებ საზოგადოებას-დარჩით სახლში! თუ რაღაც გადაუდებელი აუცილებლობა არ არის, თავი შეიკავეთ გარეთ გასვლისგან. ცოტაც უნდა გავიჭირვოთ და ყველაფერი კარგად იქნება“, - განაცხადა კახა კალაძემ, საზოგადოებრივი მაუწყებლის ეთერში, რომლის კომენტარსაც თბილისის მერიის პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა