„ტვიტერის“ აღმასრულებელი დირექტორი ჯეკ დორსი აცხადეს, რომ კორონავირუსის შედეგებთან საბრძოლველად 1 მილიარდ აშშ დოლარს გაიღებს, - ამის შესახებ ინფორმაციას „როიტერსი“ ავრცელებს.
დორსის განცხადებით, აღნიშნულ თანხას, რომელიც მისი ქონების 28 პროცენტს შეადგენს, საკუთარ საქველმოქმედო ფონდ Start Small-ში გადარიცხავს და ის უნივერსალურ საბაზო შემოსავალსა და გოგონების ჯანმრთელობასა და განათლებაზე იქნება ორიენტირებული.
„ტვიტერის“ აღმასრულებელი დირექტორი განმარტავს, რომ ფონდში და ფონდიდან განხორციელებული ყველა დონაცია საჯარო იქნება.