ბოჭორიშვილის კლინიკის სამეთვალყურეო საბჭოს თავმჯდომარე - კორონავირუსით ინფიცირებული პაციენტების მდგომარეობა დამაკმაყოფილებელია, ბავშვები განსაკუთრებით კარგად გრძნობენ თავს

ვახტანგ ბოჭორიშვილის სახელობის კლინიკაში კორონავირუსით ინფიცირების ახალი დადასტურებული შემთხვევა არ დაფიქსირებულა. როგორც კლინიკის სამეთვალყურეო საბჭოს თავმჯდომარემ, მაკა სოლოღაშვილმა ჟურნალისტებს განუცხადა, ამ ეტაპზე ბოქსირებულ სექტორში კოვიდ19-ით ინფიცირებული 13 პაციენტი მკურნლობს, რომელთაგან ერთის მდგომარეობა საყურადღებოა. მისივე თქმით, ბოჭორიშვილის კლინიკაში მყოფი არასრულწლოვანი პაციენტები განსაკუთრებით კარგად გრძნობენ თავს.

„დღეს ვახტანგ ბოჭორიშვილის კლინიკაში არ გვაქვს ახალი დადასტურებული შემთხვევა. ბოქსირებულ სექტორში მკურნალობს 46 პაციენტი. მათგან 13 არის კორონავირუსით დადასტურებული დიაგნოზი. აქედან 18 წლამდე ასაკის პაციენტია 6. ზოგადად, პაციენტების მდგომარეობა დამაკმაყოფილებელია. ბავშვები განსაკუთრებით კარგად გრძნობენ თავს. ერთი პაციენტი რჩება საყურადღებო. კრიტიკული პაციენტი ჩვენ არ გვყავს,“ - განაცხადა მაკა სოლოღაშვილმა.

მისივე ინფორმაციით, ტესტირება 7 პაციენტს ჩაუტარდა და ყველა მათგანის პასუხი უარყოფითია, ხოლო დღეს ტესტირება სულ ცოტა 4 პაციენტს ჩაუტარდება.

„ჩატარებული 7 კვლევიდან ყველა უარყოფითია. ამ ეტაპისთვის გვყავს 4 პაციენტი, რომელსაც ტესტირება დღეს ჩაუტარდება, თუმცა ეს რიცხვი შეიძლება გაიზარდოს. გამოჯანმრთელებულებს ველოდებით, ტარდება განმეორებითი კვლევები, თუმცა ამ ეტაპზე ჯერჯერობით დადასტურებული გამოჯანმრთელება არ გვაქვს,“ - აღნიშნა სოლოღაშვილმა.

იხილეთ ვიდეო: ბოჭორიშვილის კლინიკაში ინფიცირებული პაციენტების მდგომარეობა დამაკმაყოფილებელია, ბავშვები განსაკუთრებით კარგად გრძნობენ თავს

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა