„ნიუ ჰოსპიტალსში“ აცხადებენ, რომ ლერმონტოვის ქუჩაზე კედლის ჩამონგრევისას დაშავებული სამი მუშიდან ორი მათ კლინიკაშია და პაციენტების მდგომარეობა სტაბილურია
თბილისში, ლერმონტოვის ქუჩაზე კედლის ჩამონგრევის შედეგად დაშავებული 3 მუშიდან 2 კლინიკა „ნიუ ჰოსპიტალსშია” მოთავსებული.
როგორც „ინტერპრესნიუსს” კლინიკაში განუცხადეს, ჯერჯერობით, პაციენტების სიცოცხლეს საფრთხე არ ემუქრება.
„ჩვენთან ამ შემთხვევის შედეგად დაშავებული 2 მუშაა შემოყვანილი. ამჟამად მათ უტარდებათ გამოკვლევები და შემიძლია გითხრათ, რომ მათი ზოგადი მდგომარეობა არის სტაბილური”, - აცხადებენ კლინიკაში.
ცნობისთვის, ლერმონტოვის ქუჩაზე, ავარიული შენობის დემონტაჟის დროს, ნანგრევებში 3 მუშა მოჰყვა.
