ის კლინიკები, რომლებიც ვერ შეძლებენ სათანადო მომზადებას, გაეთიშებიან ამ პროცესში მონაწილეობას, - ამის შესახებ ჯანდაცვის კომიტეტის თავმჯდომარე დიმიტრი ხუნდაძემ განაცხადა. მისი თქმით, უკვე მე-5 დღეა, რაც რეგიონებში ჰოსპიტალური სექტორის მონიტორინგი მიმდინარეობს.

„უკვე მე-5დღეა, რაც პრემიერის დავალებით, რეგიონებში მიმდინარეობს ჰოსპიტალური სექტორის მონიტორინგი. უკვე შემოწმდა ფოთი, ქუთაისი, კახეთი და მცხეთა-მთიანეთის რეგიონი. მოწმდება ინფრასტრუქტურა, აღჭურვა,ხელოვნური სუნთქვის აპარატები,ინდივიდუალური დაცვის საშუალებების მარაგები, ფასდება მედპერსონალსათვის ჩატარებული ტრენინგების ხარისხი. კლინიკების უმრავლესობა მზადყოფნაშია. გაცემულია ადგილზე რეკომენდაციები, იდენტიფიცირებულია ხარვეზები და მიცემულია დრო მის გამოსასწორებლად. ის კლინიკები, რომლებიც ვერ შეძლებენ სათანადო მომზადებას, გაეთიშებიან ამ პროცესში მონაწილეობას. რეგიონებში შემოწმება გაგრძელდება ბოლო კლინიკამდე. შესაბამისი დასკვნები კი წარედგინება საკოორდინაციო საბჭოს,“ - განაცხადა ხუნდაძემ. აღნიშნულ კომენტარს პარლამენტის პრესსამსახური ავრცელებს.