ირაკლი ჩიქოვანი საგანგებო მდგომარეობის გახანგრძლივებაზე - ვიმოქმედებთ იმ ვითარებიდან გამომდინარე, რაც აპრილის ბოლოს იქნება

ჩვენ აპრილის შუა რიცხვებში და აპრილის ბოლოს ვიმოქმედებთ ზუსტად იმ ვითარებიდან გამომდინარე, რა ვითარებაც ჩვენს ქვეყნაში იქნება, - ასე უპასუხა პრემიერ-მინისტრის პრესსპიკერმა ირაკლი ჩიქოვანმა კითხვას იმასთან დაკავშირებით, ხომ არ იგეგმება საგანგებო მდგომარეობის გახანგრძლივება იმის გათვალისწინებით, რომ კორონავირუსით ინფიცირების პიკი აპრილის ბოლოსთვის არის მოსალოდნელი.

„საკოორდინაციო საბჭოსა და მთავრობის მიერ მიღებული ყველა გადაწყვეტილება ეყრდნობა პროფესიონალების, მედიკოსებისა და ეპიდემიოლოგების დასკვნებს, ასევე იმ გათვლებსა და მოლოდინებს, რომელიც შეიძლება ჩვენი რეალობის გათვალისწინებით გვქონდეს. შესაბამისად, გაგრძელდება ასეთივე გადაწყვეტილებების მიღება. ჩვენ აპრილის შუა რიცხვებში და აპრილის ბოლოს ვიმოქმედებთ ზუსტად იმ ვითარებიდან გამომდინარე, რა ვითარებაც ჩვენს ქვეყნაში იქნება. ყველა გადაწყვეტილება კიდევ ერთხელ დაეყრდნობა იმ რეალობას, რა რეალობაც გვექნება ვირუსის გავრცელების თვალსაზრისით ქვეყანაში და ასევე იმ რეკომენდაციებს, რომლებსაც ჩვენ მივიღებთ ჩვენი მედიკოსებისა და ეპიდემიოლოგებისაგან“, - განაცხადა ირაკლი ჩიქოვანმა.

იხილეთ ვიდეო

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს