კახა კალაძის განცხადებით, ქალაქის მასშტაბით ყველა სადარბაზოში დეზინფექციის ჩატარება შეუძლებელია

დედაქალაქის მერის კახა კალაძის განცხადებით, ქალაქის მასშტაბით ყველა სადარბაზოში დეზინფექციის ჩატარება შეუძლებელია. ასე უპასუხა კახა კალაძემ კითხვას, რატომ არ მოხდა თემქაზე კონკრეტული სადარბაზოს დეზინფექცია კორონავირუსის შემთხვევის დადასტურების შემდეგ.

მისივე თქმით, თუ იქნება მიმართვა და საჭიროება, რომელიმე ერთი ლოკაციის დეზინფექციისთვის, თბილისის მერია შესაბამის სამუშაოებს ჩაატარებს. მერის განმარტებით, თემქის შემთხვევასთან დაკავშირებით მიმართვა არ ყოფილა.

ამასთანავე, კახა კალაძემ განაცხადა, რომ თბილისის მასშტაბით ჯამში 50-60 ქუჩაზე ჩატარდება სადეზინფექციო სამუშაოები.

„თქვენ იცით, რომ ჩვენ ქალაქში გზების, ტროტუარების სადეზინფექციო სამუშაოებს ვატარებთ, თუმცა აქაც, მე მგონი, ყველასათვის ცხადია, რომ ყველა ქუჩის, ყველა უბნის დამუშავება ვერ მოხდება, ფიზიკურად შეუძლებელია, ასეთი რამ არ არსებობს. მოხდება მხოლოდ იმ ქუჩების დამუშავება, დაახლოებით, 50-60 ქუჩაზეა საუბარი მთელი ქალაქის მასშტაბით, რომელიც ყველაზე ხალხმრავალია და მეტი ადამიანი სარგებლობს,“- განაცხადა კახა კალაძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს