ბოშათა დასახლებებში საკვები პროდუქტებისა და ჰიგიენური საშუალებების 380 კალათა დარიგდება

შერიგებისა და სამოქალაქო თანასწორობის საკითხებში სახელმწიფო მინისტრის მოადგილემ ლია გიგაურმა გაეროს ბავშვთა ფონდის წარმომადგენლებთან და გარდაბნის მუნიციპალიტეტის მერთან რამაზ ბუდაღაშვილთან ერთად დღეს 50 ამანათი სოფელ გაჩიანში ბოშათა ოჯახებს გადასცა.

როგორც „ინტერპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს, ლია გიგაურმა ბოშათა თემის წარმომადგენელის ჩართულობით ადგილობრივებს მათთვის მშობლიურ ენაზე კორონავირუსის გავრცელების პრევენციასთან დაკავშირებული წესები და მოთხოვნები გააცნო.

უწყების ცნობით, პროექტი UNICEF -ის (გაეროს ბავშვთა ფონდის) ფინანსური მხარდაჭერით ხორციელდება. ამანათები ასევე დარიგდება თბილისის, ქუთაისის, ფოთის და დედოფლისწყაროს მუნიციპალიტეტის ბოშათა დასახლებებში. აღნიშნული კალათები ოჯახებს კარდაკარ ადგილობრივი თვითმმართველობისა და საქართველოს წითელი ჯვრის დახმარებით გადაეცემა.

საკვები პროდუქტებისა და ჰიგიენური საშუალებების კალათები დღეს დამატებით გადაეცათ ასევე აზერბაიჯანთან საზღვრისპირა სოფელ ვახტანგისში და თეთრი წყაროს მუნიციპალიტეტში მცხოვრებ მრავალშვილიან ოჯახებს.

ლია გიგაურის თქმით, ეს პროცესი გაგრძელდება და როგორც ამანათები, ასევე ინფორმაცია კორონავირუსთან ბრძოლის შესახებ, მთელი ქვეყნის მასშტაბით სხვადასხვა მუნიციპალიტეტში გაფანტულ ყველა თემს მიეწოდება.

„კორონავირუსის გავრცელების მასშტაბები პირდაპირ პროპორციულად არის დამოკიდებული იმაზე, თუ რამდენად დაიცავს რეკომენდაციებს ჩვენი ქვეყნის მოსახლეობა, განურჩევლად მათი ეთნიკური კუთვნილების. სწორედ ამიტომ დღეს ჩვენ სოფელ გაჩიანში ბოშათა თემს ვაცნობთ იმ შეზღუდვებს და წესებს, რომლებიც მოქმედებს საგანგებო და საკარანტინო რეჟიმში. იმისთვის რომ გაითვალისწინონ რეკომენდაციები, დარჩნენ სახლში, იმის გამო, რომ არ აქვთ ყოველდღიური შემოსავალი, მოვამზადეთ ორი ტიპის სასაჩუქრე პაკეტი, ჰიგიენური საშუალებების და საკვები პროდუქტების კალათები, რომელიც არის საკმაოდ მოცულობითი“, - განაცხადა ლია გიგაურმა.

იხილეთ ვიდეო: ბოშათა დასახლებებში საკვები პროდუქტებისა და ჰიგიენური საშუალებების 380 კალათა დარიგდება

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!