მამუკა მამალაძე - ქუთაისის მერის გადადგომამ კიდევ ერთხელ დაადასტურა, რომ „ქართული ოცნების"  ხელისუფლებამ თვითმმართველობები გადააქცია ფიქციად

ქუთაისის მერის, გიორგი ჭიღვარიას გადადგომამ კიდევ ერთხელ დაადასტურა, რომ "ქართული ოცნების" ხელისუფლებამ თვითმმართველობები გადააქცია ფიქციად - ამის შესახებ პოლიტიკური გაერთიანება "ლელო საქართველოსთვის" იმერეთის ორგანიზაციის ხელმძღვანელმა მამუკა მამალაძემ განაცხადა.

როგორც "ინტერპრესნიუსს" პოლიტიკური გაერთიანებიდან აცნობეს, პირდაპირი წესით არჩეული ქალაქის მერი გადადგა ჩუმად, ყოველგვარი ახსნა-განმარტების გარეშე.

"ეს არის მისი ამომრჩევლის შეურაცხყოფა, რადგან ქალაქის მერს არ მიაჩნია თავი ანგარიშვალდებულად საკუთარ ამომრჩეველს წასვლის მიზეზი განუმარტოს, თუმცა მისი ძალაუფლების წყარო ხომ ,,ქართული ოცნება’’ და მისი არაფორმალური მმართველია.

ჭიღვარიას გადადგომით ქალაქს არაფერი დააკლდება, რადგან არჩევიდან მალევე გამოჩნდა მისი და მისი გუნდის უუნარობა. ქუთაისის მოსახლეობას კარგად ახსოვს გაჭიანურებული ინფრასტრუქტურული პროექტები, ჩავარდნილი და საეჭვო ტენდერები, სავარაუდო კორუფციული გარიგებები. უხარისხოდ, გაჭიანურებით და რამდენჯერმე გადაკეთებული პროექტების გრძელ სიას ქალაქის წყალმომარაგების, სანიაღვრე სისტემის, თბილისის ქუჩის რეაბილიტაციისა და თეთრი ხიდის პროექტები ემატება. გიორგი ჭიღვარია „ქართულ ოცნებასთან“ ერთად ქვეყნის ისტორიაში შევა, როგორც წარუმატებელი და უნიათო მერი’’, - განაცხადა მამუკა მამალაძემ.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს