პურის მრეწველთა კავშირის თავმჯდომარე აცხადებს, რომ ხორბლის დეფიციტი და პურის გაძვირება მოსალოდნელი არ არის

საქართველოს პურის მრეწველთა კავშირის თავმჯდომარე მალხაზ დოლიძე აცხადებს, რომ ხორბლის დეფიციტი და პურის გაძვირება მოსალოდნელი არაა. როგორც მალხაზ დოლიძემ პურის ფასზე საუბრისას განაცხადა, ქვეყანაში ხორბალი საზღვაო და სახმელეთო გზებით შემოდის და მაისი-ივნისის ჩათვლით ქვეყანაში ხორბალზე დეფიციტის შექმნა მოსალოდნელი არაა.

„რამდენიმე დღის წინ ფოთის პორტში გემით შემოვიდა 6 ათასი ტონა ხორბალი. ზოგადად მაისი-ივნისის ჩათვლით შეგვიძლია მშვიდად ვიყოთ, რომ ხორბალზე დეფიციტი არ შეიქმნება. საერთოდ, ეს ისეთი პერიოდია, როდესაც ხორბალი და ფქვილი სატვირთო მანქანებით შემოდის რუსეთიდან. 300 ტრაილერი მუშაობს. უბრალოდ, ახლა შეფერხებაა იმ მხრივ, რომ საბაჟოზე შემოსვლისას მძღოლები სავალდებულო კარანტინს გადიან“, - აცხადებს მალხაზ დოლიძე.

მისივე თქმით, მათ შორის იმის გათვალიწინებით, რომ ამ პერიოდში ხორბლის ახალი მოსავალია, პურის გაძვირება მოსალოდნელი არაა.

მალხაზ დოლიძის ინფორმაციით, დიდი სავაჭრო ქსელები პურის რეალიზაციისთვის მიმწოდებლებისგან დიდ ქეშბექს ითხოვენ, ამიტომ პურის ფასის გაძვირების თავიდან აცილების მიზნით, კარგი იქნებოდა დედაქალაქში სარეალიზაციო ადგილების ცალკე გამოყოფა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს