საპარლამენტო უმრავლესობის ლიდერის მამუკა მდინარაძის განცხადებით, 9 აპრილი არის მაგალითი, რომელზეც მომავალი თაობა უნდა აღიზარდოს.
„თარიღი 9 აპრილი საქართველოში ასოცირდება გმირობასთან, თავგანწირვასთან და თავისუფლებასთან. მაგალითთან, რომელზეც უნდა აღიზარდოს ჩვენი შვილები. მე კიდევ ერთხელ დიდი პატივით მოვიხსენიებ გარდაცვლილი ადამიანების სახელებს და გვარებს. ყოველთვის დიდი პატივით შეგვიძლია გავიხსენოთ ისინი ჩვენს შვილებთან, როგორც მაგალითი, თუ როგორ უნდა იბრძოლონ თავისუფლებისთვის“, - განაცხადა მდინარაძემ.
შეგახსენებთ, რომ 1989 წლის 9 აპრილის ტრაგედიიდან 31 წელი შესრულდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან, მშვიდობიანი საპროტესტო აქცია დაარბიეს, რასაც მსხვერპლი მოჰყვა.