აშშ-ის ვიცე-პრეზიდენტის, მაიკ პენსის თქმით, ჯანდაცვის მსოფლიო ორგანიზაციას მოუწევს პასუხი გასცეს რთულ შეკითხვებს.
„დონალდ ტრამპი პრეზიდენტია, რომელსაც ანგარიშვალდებულების სჯერა და ამერიკელი გადამხდელები მსოფლიო ჯანდაცვის ორგანიზაციას მილიონობით დოლარს უხდიან. როგორც პრეზიდენტმა განაცხადა, მეც ეჭვი მეპარება, რომ ასე გავაგრძელებთ, თუმცა ეს იმას არ ნიშნავს, რომ მომავალში მსოფლიო ჯანდაცვის ორგანიზაციას რთულ შეკითხვებს არ დავუსვამთ, თუ რატომ შეცდა ასე“, - აღნიშნა პენსიმ.
ცნობისთვის, სამშაბათს, აშშ-ის პრეზიდენტმა დონალდ ტრამპმა მსოფლიო ჯანდაცვის ორგანიზაციას ჩინეთისადმი მიკერძოებული უწოდა და დაემუქრა, რომ დაფინანსებას შეუწყვეტდა. საპასუხოდ, ორგანიზაციის დირექტორმა, ტედროს ადჰანომ გებრეიესუსმა ამერიკის ლიდერს მოუწოდა საკითხის პოლიტიზირება „კარანტინში“ მოეთავსებინა.